Дизниевиот хит „Враќањето на Мери Попинс“, во режија на Роб Маршал, од денеска игра во скопските кина Милениум и Синеплекс.
Повеќе од 50 години по филмот со Џули Ендрјус, кој освои пет оскари, строгата и љубезна дадилка ја игра британската глумица Емили Блант. Во екипата се и Емили Мортимер, Лин-Мануел Миранда, Мерил Стрип, Колин Фирт, Анџела Ленсбури и Дик ван Дајк.
„Филмот ја пренесува приказната за совршената дадилка со волшебни вештини, која дури и рутинските задачи може да ги претвори во незаборавна, фантастична авантура. Во новото продолжение, Мери Попинс се враќа за да ѝ помогне на новата генерација на семејството Бенкс повторно да најде радост и чудо, по загубата на сакана личност“, најавуваат кината.
