Од денеска до 10 април, во Кинотека ќе се одржува ревија на шпански филмови, во пресрет на официјалниот почеток на 22. Скопје филм фестивал (17-25 април). Фокусот на ревијата насловена „СФФ класик“ е на режисерите Луис Гарсија Берланга, Карлос Саура и Луис Буњуел, а ќе бидат прикажани вкупно 13 играни и документарни филмови.
Ревијата се отвора во 18 часот со документарниот филм „Фламенко Фламенко“ на Саура, а во 20 часот ќе се прикаже „Пласидо“ на Берланга.
Програмата е реализирана во соработка со амбасадата на Кралството Шпанија. Влезницата е 50 денари.
