Сајтот „Фрипик“ анализираше рецензии на „Гугл“ на 2.300 зелени површини во 100 најпопуларни градови во светот со цел да создаде листа на градови со најголем број зелени површини.
На првото место се најде Токио, каде што има импресивни 159 зелени површини, што е над двојно повеќе од второрангираниот Лондон, низ кој има 78 зелени простори.
Меѓу зелените места во Токио што мора да се посетат се издвојуваат паркот Јојоги (фото), кој често се смета за јапонски одговор на њујоршкиот Централ Парк и паркот Уено, кој станувз розов во сезоната на цутењето на јапонските цреши.
На третото место е Париз со 63 зелени површини, па следуваат Сингапур, Њујорк, Сиетл, Буенос Аирес, Рим, Мадрид, Сан Франциско…