Повеќе од 500.000 целосно електрични автомобили се продадени во Европа во првите десет месеци од годината, постигнување што автомобилската индустрија уште повеќе ја оддалечува од фосилните горива. Ако се додадат и хибридите, бројот на продадени еколошки возила во Велика Британија и на најголемите 17 европски пазари е поголем од еден милион оваа година.
Во текот на целата 2019, во Европа се продале 354.000 електрични автомобили.
Продажбата на електрични автомобили е во значителен пораст, како што државите ги заоструваат мерките против штетните емисии, а производителите вложуваат милијарди евра во развојот на модели со поголем домет. Сепак, возилата на фосилни горива и натаму доминираат на пазарот. Оваа година, во Европа биле купени 13,3 милиони нови автомобили, од кои огромно мнозинство се бензински и дизелски, кои се очекува да останат попрофитабилни од електричните до 2024 година.
Европа и Кина се најголемите пазари за електрични автомобили на светот.
