Германските градови ги редизајнираат велосипедските ленти во време на пандемијата на коронавирусот, откако велосипедистите побараа повеќе простор за социјално дистанцирање додека одат на работа.
Во услови кога сообраќајот е намален, берлинската област Кројцберг привремено ги прошири велосипедските ленти за да се овозможи растојание од 1,5 метри меѓу велосипедистите. Градскиот совет го прогласи пилот-проектот за успешен, бидејќи се подобри безбедноста на велосипедистите без да се влијае врз сообраќајот на автомобили и најави негово спроведување и во други делови од градот.
Жителите на 133 германски градови побараа од своите локални власти исто така да ги прошират велосипедските ленти, поткрепено со податоците дека поголемо аерозагадување придонесува за поголема стапка на смртност од КОВИД-19.
И покрај воведените ограничувања, германските власти ги охрабруваат луѓето да возат велосипед, без да се групираат, а на сервисите за велосипеди им е дозволено да работат.
