Од вечерва (15 септемви) до 24 септември ќе се одржува 23. издание на Меѓународниот фестивал на античка драма „Стоби“. На програмата се шест претстави, од кои една е за затворање на фестивалот, во чест на добитниците на наградите. Две од претставите се од Србија и Италија.
Фестивалот се отвора со „Бегалка“ во режија на Дамјан Димовски, продукција на Струмичкиот театар (фото), на 16 септември е „Претходно“ на Театарот од Сицилија, на 21 септември е копродукцијата на Велешки, Штипски и Кумановски театар, „Годо“, за 22 септември е најавена „Падот на Масада“ на Драмски театар од Скопје и на 23 септември е гостувањето на театарот од Зрењанин со претставата „Лисистрата“.
Затворањето на фестивалот е на 24 септември со претставата „Сите прекрасни нешта“ на Штипскиот театар.
Претседателка на жирито кое ќе одлучува за најдобра претстава, режија и машка и женска главна ролја е Весна Бобевска, а членови се актерите Кети Борисовска и Пеце Ристевски.
П. ПЕЧКОВ
Фото: Театар „Антон Панов“ од Струмица
