Мјузикл за животот на Мајкл Џексон ќе биде поставен на Бродвеј, објавија продуцентите на кралот на поп музиката, кој почина во 2009 година.
Ќе се користат негови песни, а либретото ќе го пишува Лин Нотаж, двократен добитник на Пулицерова награда.
Продуцентите објавија дека кореографијата ќе ја работи Кристофер Виделдон, познато име во балетската уметност, но не и кој актер или пејач ќе го глуми Џексон.
Насловот на мјузиклот сѐ уште не е познат, а премиерата се најавува за 2020 година.
