ЏАНЛУИЏИ БУФОН ГО ОДИГРА 1.100. НАТПРЕВАР ВО КАРИЕРАТА

Торино, (Скај)

Легендарниот италијански голман Џанлуиџи Буфон синоќа го одигра 1.100. натпревар како професионален фудбалер. Тој го чуваше голот на Јувентус во победата над Интер од 2:1 на првиот полуфинален меч од Купот на Италија, што му беше 679. настап во дресот на „старата дама“.

„1.100 пати, а како да е првпат. Сега, уште еднаш, до крај!“, напиша Буфон на Твитер, пет дена откако наполни 43 години.

Освен Јувентус, каде што со една сезона пауза игра од 2001 година, Буфон одигра и 220 средби за Парма, 176 за репрезентацијата на Италија и 25 за Пари Сен-Жермен. Од професионалното деби во Парма во 1995 година, тој освои 26 клупски титули, од кои 10 во Серија А и беше светски шампион со Италија во 2006.

„1.100! Легендата продолжува и продолжува“, објави Јувентус,