Холивудската актерка Глен Клоуз ги брани нејзините рекордни осум номинации за Оскар без ниту една победа и вели дека не се чувствува како губитник.
Минатиот месец, таа повторно изгуби и го израмни рекордот на Питер О’Тул, како актери со најмногу номинации во оскаровската историја, а без ниедна награда.
„Прво и основно, не се доживувам себеси како губитник. Кој може да е губитник во таа категорија? Таму сте, меѓу пет колеги кои се признати за нивната работа. Што е подобро од тоа“, вели таа во интервјуто за АП.
На социјалните мрежи колегите ѝ даваа поддршка со коментари дека е брилијантна и дека има исклучителна кариера.
„Искрено верувам дека медиумите се тие кои сакаат да има победници и губитници. Тие коментираат кој е најлошо облечен, кој има најлош говор. Јас велам, кој ги врти“.
Клоуз првпат беше номинирана за оскар уште во 1983 година.
