Во Кинотеката од утре ќе се одржува Недела на франкофонски филм, по повод одбележување на месецот на Франкофонијата. Настанот го организира Францускиот институт во Скопје, во соработка со амбасадите на Швајцарија и Романија и Кинотеката.
Првата проекција е утре од 20 часот, кога ќе се прикаже францускиот филм „Што зборуваме, што правиме“ (2020) на режисерот Емануел Муре.
На програмата ќе бидат и швајцарскиот филм „Семејство“ (петок, 20 часот), белгискиот филм „Богородица од Нил“ (сабота, 18 часот) и романскиот документарец „Дива Романија“ (сабота, 20 часот).
