Дваесет и пет години по премиерата на „Евтини приказни“ во Кан, Квентин Тарантино се врати на престижниот филмски фестивал не со голема одмазда или бесен гнев, туку со нежна бајка за 1960-те години во Лос Анџелес.

„Беше еднаш во Холивуд“ вчера ја имаше својата долгоочекувана премиера во Кан, давајќи му го на фестивалот најконцентрираниот состав на славни личности и еуфорија. Двете ѕвезди на филмот, Бред Пит и Леонардо ДиКаприо, донесоа стар холивудски гламур на црвениот килим, кадешто редици обожаватели ја преполнија Кроазета.

Бред Пит, Леонардо ДиКаприо, Квантин Тарантино и Марго Роби (Фото: Гети)

Голем дел од сценариото на „Беше еднаш во Холивуд“ внимателно се држеше во тајност сè до премиерата. Познато е дека ДиКаприо глуми актер во вестерн филмови, нервозен што неговата слава опаѓа, а Пит го игра неговиот дублер, пријател и возач. Иако сместен во позадината на убиствата на кланот на Менсон, целта на Тарантино е да го долови сјајот на Холивуд од минатото.

Филмот во САД ќе игра од 26 јули, а во Скопје доаѓа на 8 август.