Оригиналните цртежи на мечето Вини Пу се изложени за првпат по речиси 40 години, во музејот „Викторија и Алберт“ во Лондон.
„Вини Пу: истражување на класиката“ е мултимедијална, разиграна изложба, која го истражува волшебниот свет на Вини Пу од романот на Александар Ален Милн, со илустрациите на Е. Х. Шепард и ги открива авторите, врските и инспирациите зад харизматичното мече, ѕвездата од најпопуларните детски книги на сите времиња.
Поставката содржи 230 дела од 1920 година до денес, со предмети од архивите на повеќе институции, како „Викторија и Алберт“ и компанијата „Волт Дизни“.
Изложени се оригинални илустрации, ракописи, рани изданија, писма, фотографии, цртани филмови, керамика и мода, кои ги претставуваат омилениот лик и неговите пријатели Кристофер Робин, Канга и Ру, Буф, Прасе, Зајак и Тигар. Исто така, постојат видео и аудио клипови, вклучувајќи ја и снимката од 1929 година, на која Милн чита извадоци од романот.
