КОГА ЗАВРШИ ПОЛУФИНАЛЕТО, НА ТЕРЕНОТ ИЗЛЕЗЕ ЕДЕН СОСЕМА ПОИНАКОВ ХРВАТСКИ ТИМ

Москва, (24сата)

Кога малку се смири атмосферата по завршувањето на полуфиналниот натпревар на Светското првенство помеѓу Хрватска и Англија (2:1), на теренот на стадионот „Лужники“ во Москва истрча една сосема поинаква екипа во коцкести дресови.

(Фото: 24сата)

Откако го прославија пласманот во финалето пред очите на целиот свет, хрватските репрезентативци ги собраа на терен своите најмлади и најдраги навивачи, веројатно и несвесни што направиле нивните татковци таа вечер.

Облечени во репрезентативни дресови, на тревникот се стрчаа малите верзии на Иван Перишиќ, Домагој Вида, Иван Стриниќ, Дејан Ловрен, Марцело Брозовиќ… и некои од нив, веројатно, ќе бидат наследници на играчите, кои в недела против Франција ќе се обидат да влезат во легендите како светски шампиони.

(Фото: Пиксел)
(Фото: Пиксел)