Дрејк го сруши рекордот што претходно го држеше Мајкл Џексон за најмногу први места на топ-листата на Билборд. Со 14 први места, Дрејк се изедначи со Ријана и со Тејлор Свифт.
Дрејк постави уште еден рекорд со 42 песни на топ-листата во една недела, надминувајќи го претходниот рекорд на Морган Волен од 37 песни. Воедно, стана и првиот пејач со повеќе од 400 настапи на Билборд.
Во топ 10, канадскиот музичар и актер освои девет позиции, а единствена песна што не е негова е на Ела Ленгли, која се наоѓа на петтото место.
Новите албуми на Дрејк: „Ледениот човек“, „Девојка за венчавка“ и „Љубов моја“ дебитираа на првите три позиции на листата на албуми. Албумот „Ледениот човек“ му го донесе 15-тиот број еден албум во кариерата, со што го надмина рекордот на Џеј Зи.
Фото: Гети
