В четврток (4 април) од 20 часот, во Филхармонијата ќе се одржи концертот насловен „Светлина“. Како солист ќе настапи виолинистот Станко Мадиќ од Србија. Мадиќ ќе го изведе Концертот за виолина и оркестар бр. 1 насловен „Далечна светлина“, кој во 1996 го напиша летонскиот композитор Петерис Васкс.
Диригент на концертот „Светлина“ ќе биде маестро Оливер Балабурски, кој долги години живее и работи во Канада, а со Македонската филхармонија ќе соработува по подолга пауза.
Ќе биде изведена и Симфонијата бр. 4 во Ф-мол, оп. 36 од Петар Илич Чајковски.
