Студентите на Факултетот за музичка уметност- Скопје, на 1 јуни од 20 часот ќе одржат концерт во Музејот на македонската борба. Настанот е во чест на јубилејот, 60 години ФМУ.
„Концертот се одржува во рамките на концертната серија ‘ФМУ-60 години’. Публиката ќе има можност да ужива во внимателно подготвена музичка програма во изведба на младите уметници, студентите на ФМУ, кои преку својот талент, посветеност и уметнички израз го продолжуваат богатото музичко наследство на институцијата“, велат од Факултетот за музичка уметност-Скопје.
