Лејди Гага ќе го објави својот нов, седми студиски албум на 8 март. Насловен „Mayhem“, албумот ќе ги истражува темите на хаос и трансформација, се вели во прес-соопштението.
Албумот ќе има 14 песни, од кои две веќе се објавени, вклучувајќи ја соработката со Бруно Марс. „Mayhem“ доаѓа по ланското издание „Harlequin“, кое беше снимено за филмот „Џокер: Лудило за двајца“.
„Албумот повторно го измислува раниот звук на Гага со калеидоскопски пристап кој црпи од нејзината обемна музичка библиотека, притоа прифаќајќи свежа и бестрашна уметничка перспектива“, стои во најавата на албумот.
(Фото: АП)
