„Прл џем“ одржа приватна слушачка промоција на својот нов албум во клуб во Лос Анџелес, на која присуствуваа и пејачот Еди Ведер, гитаристот Мајк Мекриди и басистот Џеф Амент. Тоа ќе биде 12. студиски албум на легендите на гранџот и прв по „Гигатон“ од 2020, кој доби одлични критики.
„Без претерување, но мислам дека ова е нашето најдобро дело досега“, кажа 59-годишниот Ведер, претставувајќи го новиот албум пред присутните.
Името на албумот, кој содржи 11 песни, засега не се открива, ниту кога ќе биде објавен, но Ведер кажа дека е целосно подготвен.
„Го снимивме пред околу една година и добро е одлежан“, рече тој.
