Кристијано Роналдо и неговата партнерка Хеорхина Родригес чекаат близнаци. Португалскиот фудбалер го потврди ова на Инстаграм, објавувајќи фотографија на која тој и Хеорхина држат снимки од ултразвук.
„Пресреќен сум што можеме да објавиме дека чекаме близнаци. Нашите срца се полни со љубов, едвај чекаме да ве запознаеме“, напиша Роналдо.
Тој и Хеорхина се веќе родители на тригодишната ќерка Алана. Роналдо ги има и 11-годишниот син Кристијано Жуниор и четиригодишните близнаци Ева и Матео, кои ги доби преку сурогат мајки, чиј идентитет никогаш не го откри.
