Јувентус сепак ќе ја заврши сезоната со трофеј, откако во финалето на италијанскиот куп ја совлада Аталанта со 2:1, а Кристијано Роналдо дојде до ново уникатно остварување. Тој стана прв фудбалер во историјата кој ги освоил сите големи трофеи во Англија, Шпанија и Италија.
Ова е негов прв куп трофеј со Јувентус, со кој двапати беше првак на Италија и исто толку пати го освои домашниот суперкуп.
Во Англија, трипати ја освои Премиерлигата, еднаш ФА купот, двапати Лига купот и еднаш Суперкупот, сето тоа со Манчестер јунајтед, додека со Реал Мадрид двапати беше шампион на Шпанија и по двапати триумфираше во Кралскиот куп и Суперкупот.
Роналдо има кренато вкупно 34 трофеи во кариерата, а рекордер е Дани Алвес со 42.
