Еди Марфи им се враќа на своите корени, стенд ап комедијата, откако добил богата понуда од „Нетфликс“.
Како што објави сајтот ТМЗ, 58-годишниот Марфи е во преговори за засега неодредена бројка специјални стенд ап епизоди, вредни 70 милиони долари. „Нетфликс“ претходно успеа да ги договори Крис Рок за 40 и Дејв Шапел за 60 милиони долари, односно по 20 милиони по епизода.
Марфи со години го најавува своето враќање на стенд ап комедијата, во којашто и ја почна кариерата во 1970-ите. Неговиот стенд ап филм од 1987 година „Eddie Murphy Raw“ беше огромен хит и заработи 50,5 милиони долари.
Тој беше член на екипата на „Сабота вечер во живо“ во почетокот на 1980-ите, а потоа исклучиво му се посвети на филмот. Марфи речиси го снема од Холивуд изминатава деценија и годинава треба да му излезе првиот филм по три години пауза.
