ХИТ-СЕРИЈАТА „ВИКИНЗИ“ ДОБИВА ПРОДОЛЖЕНИЕ НА „НЕТФЛИКС“

Њујорк, (Дедлајн)

Сагата за викинзите ќе продолжи на „Нетфликс“.

Стриминг гигантот нарача нова серија насловена „Валхала“, која ќе биде своевидно продолжение на „Викинзи“, откако таа ќе заврши со шестата сезона на „Хистори“. И новата серија ќе ја прави авторот на „Викинзи“ Мајкл Хрст, кој за почеток треба да напише 24 епизоди.

„Викинзи: Валхала“ ќе почне 100 години по завршувањето на дејството во оригиналната серија и ќе ги следи авантурите на некои од најславните викинзи во историјата, како Леиф Ериксон, Фрејдис, Харалд Харада и кралот Вилијам Освојувачот, кој исто така имал викиншко потекло. Овие храбри мажи и жени ќе стапнат на нови територии додека се борат за опстанок на континентот кој постојано се менува и развива.

Шестата и последна сезона на „Викинзи“ стартува на 4 декември и таа повторно ќе има 20 епизоди.