„Нетфликс“ објави тизер за новата минисерија „Четири годишни времиња“, која е инспирирана од истоимениот филм од 1981.
Приказната во серијата која ја напишаа комичарите Тина Феј, Ланг Фишер и Трејси Вигфилд е за долгогодишните пријатели и за нивните заеднички патувања, додека се соочуваат со предизвици кои ги тестираат нивните пријателства и врски.
Оригиналниот филм од 1981 го напиша и го режираше Алан Алда, а во главните улоги играа Алда, Керол Барнет, Лен Кариу, Сенди Денис, Рита Морено, Џек Вестон и Бес Армстронг. Филмот беше добро прифатен и од критиката и од публиката и беше номиниран за неколку награди, меѓу кои и Златен глобус.
Серијата на „Нетфликс“ следи три брачни двојки: Кејт и Џек, Ник и Ен и Дени и Клод кои се долгогодишни пријатели и одат на четири патувања годишно заедно, секое во различна сезона.
Нивната рутина и пријателство се разнишани кога една од двојките неочекувано ќе објави дека се разведува.
Тина Феј, Вил Форте и Колман Доминго во серијата (Фото: Гети)
