Ансамблот „Танец“ ќе го одржи традиционалниот велигденски концерт на 16 април во Националната опера и балет од 20 часот. На програмата се кореографии на македонски ора како „Мијачка“, „Кавадарка“ и „Драчевка“, преспански и поречки игри. Најавени се и народни песни и настап на вокалните солисти и хорот на „Танец“.
„Нашата основна дејност и должност е да ја одржуваме традицијата и да ја крепиме од заборав. На прагот сме на новата сезона и како и секоја досега, традиционално ја започнуваме со велигденски концерт“, велат од „Танец“.
Билетите се продаваат преку мрежата на Купикарта.мк.
