Драмскиот театар од Скопје ќе учествува на 17. Меѓународен театарски фестивал ЕТХОС во Анкара со монодрамата „Кармен“. Фестивалот се одржува од 16 до 26 октомври под мотото „Градот и театарот“.
Учествуваат театарски уметници, амбасадори на културата, претставници на центри за култура и членови на граѓански и невладини организации од над 20 земји.
Во монодрамата „Кармен“ игра Биљана Драгичевиќ-Пројковска, режијата е на Дејан Пројковски. Монодрамата е создадена по мотив од романот „Пет часа со Марио“ од шпанскиот писател Мигел Делибес. Сценографијата е на Валентин Светозарев, сценските движења на Олга Панго, костимографијата на Раде Василев, а музиката на Горан Трајковски.
Драгиќевиќ-Пројковска за улогата на Кармен има добиено неколку меѓународни награди и признанија.
