Филхармонијата го најави својот традиционален концерт на отворено, на кој оваа година ќе биде изведено едно од најпознатите дел од класичната музика, „Кармина Бурана“ од Карл Орф. Концертот ќе се одржи на 20 јуни на добро познатата локација во скопскиот Градски парк од 21 часот.
Диригент ќе биде Најден Тодоров од Бугарија.
„Кармина Бурана“ е сценска кантата што германскиот композитор Карл Орф ја компонирал меѓу 1935 и 1936. Се заснова на 23 песни од збирката средновековни текстови и песни „Кармина Бурана“, пронајдена во манастир во јужна Германија. Кантатата е дел од триптихот на Орф, а најпознатото парче од ова дело е „Fortuna Imperatrix Mundi“ („О фортуна“).
