Мадона се врати на сцената на Ем-Ти-Ви видеомузичките награди по 23 години и го отвори шоуто во Лос Анџелес со Сабрина Карпентер и Чарли Екс-Си-Екс.
Шеесет и осумгодишната поп-ѕвезда го почна настапот качена на пијано, на кое свиреше Карпентер, со која ја изведе песната „Bring Your Love“. Потоа сцената беше претворена во тоалетот од спотот за „Danceteria“, а од една од кабините се појави Чарли Екс-Си-Екс. Таа и Мадона ја изведоа новата верзија на „Danceteria Afterhours“. Во настапот се појавија и актерките Деби Мазар и Џулија Гарнер, како и Сет Роген, Ендрју Вот и пејачот Сомбр.
Ова беше првиот настап на Мадона на Ем-Ти-Ви видеомузичките награди од 2003, кога настапи со Бритни Спирс и Кристина Агилера. Таа е поврзана со наградите уште од нивното прво издание во 1984, кога го изведе хитот „Like a Virgin“. Во следните години настапуваше и со „Express Yourself“, „Vogue“ и „Ray of Light“.
Мадона годинава имаше најмногу номинации, а освои седум признанија, меѓу кои и за изведувач на годината. Таа во јули го објави својот 15. студиски албум „Confessions II“, прв по седум години и продолжение на „Confessions on a Dance Floor“ од 2005.
(Фото: Си-Би-Ес)
