ФЕЈСБУК ПЛАНИРА ДА ВОВЕДЕ СЕКЦИЈА ЗА ВИСОКОКВАЛИТЕТНИ, ПРОВЕРЕНИ ВЕСТИ

Њујорк, (Гардијан)
Facebook's CEO Mark Zuckerberg, arrives to meet France's President Emmanuel Macron after the "Tech for Good" Summit at the Elysee Palace in Paris, Wednesday, May 23, 2018. French President Emmanuel Macron seeks to persuade Facebook CEO Mark Zuckerberg and other internet giants to discuss tax and data protection issues at a Paris meeting set to focus on how they could use their global influence for the public good. (AP Photo/Francois Mori)

Фејсбук размислува да ангажира уредници кои би селектирале „висококвалитетни вести“, што потоа би се објавувале на мрежата, во обид да се ослободи од репутацијата дека е извор на дезинформации.

Секцијата за вести, што би се преземале од проверени и доверливи медиуми, било од алгоритам, било од луѓе, би одела паралелно со њузфидот.

„Ние нема да имаме новинари кои ќе пишуваат вести, туку со новата алатка ќе се промовира материјал создаден од трети страни. Она што сакаме да направиме е на нашите корисници да им обезбедиме висококвалитетни, доверливи вести“, вели Марк Закерберг, додавајќи дека медиумските куќи, веројатно, би биле плаќани за ова.

Компанијата веќе некое време се носи со оваа идеја и новата секција би требала да биде лансирана до крајот на годината.

Закерберг проценува дека 10-20% од корисниците на Фејсбук би биле заинтересирани за оваа секција, бидејќи „мнозинството луѓе само сакаат да видат што им прават пријателите“.