„Шкода октавија“ ја зацврстува својата позиција како еден од најголемите автомобили во класата, откако компанијата го претстави новиот модел на својот најпродаван производ на посебен настан во Прага.
„Октавија 4“ е поголема, поширока и поелегантна од својот претходник и дели доста работи со новиот „голф“, кој исто така неодамна беше претставен. Тука првенствено се мисли на комплетно новата, дигитализирана инструментална табла, но исто така и мотори. Во понуда се три бензински и три дизелски мотори, кои се движат од 110 до 200 коњски сили, а „Шкода“ за првпат има и хибриден модел, од 204 коњски сили. Благодарение на јон-литиумската батерија од 13 киловат-часови, „октавија“ може да вози на струја 55 километри.
„Шкода“ не запре тука, па веднаш ја претстави и новата караванска верзија на „октавија“, која исто така е поголема од претходникот.
Новата „октавија“ би требала да се појави на пазарот во втората половина на 2020, а цената засега не е позната.
