Дизајнерката на „Диор“, Марија Грација Кјури, истражувала во архивите на овој моден бренд за нејзината најнова колекција за висока мода, претставена на Модната недела во Париз.
Колекцијата е инспирирана од познати минати дизајни на „Диор“, еден од нив од 1952, како и од креации од Ив Сен Лоран од 1958.
На модната ревија беа прикажани светкави црни палта, здолништа од тул со тантела и мини здолништа во комбинација со фрак. Ревијата наиде на овации од уредничката на американски „Вог“, Ана Винтур.
Се одржа во живописните градини на музејот „Роден“ во Париз, а меѓу гостите беа актерките Џена Ортега и Памела Андерсон, тенисерката Венус Вилијамс и француската актерка и модел Летиција Каста.
