Режисерот Дејан Пројковски почна со пробите за претставата „На дното“ од Максим Горки во Турскиот театар во Скопје. Турскиот театар ја користи сцената на Театар Комедија додека се гради новиот објект во близина на Железничката станица.
Во претставата играат Џенап Самет, Хакан Даци, Осман Али, Метин Ибрахим, Ебру Мусли, Селпин Ќерим, Јеткин Сезаир, Слаѓана Вујошевиќ, Зубејде Али, Емине Халил, Сузан Акбелге, Дин Ибрахим, Бурханедин Ибрахим и Едис Мусиќ.
Асистент на режијата е Атила Клинче, кореографијата е на Олга Панго, музиката на Горан Трајкоски, а сценографијата и костимите на Марија Пупучевска.
