Европската вселенска агенција денеска го лансираше вселенскиот телескоп „Кеопс“, чија функција ќе биде да проучува планети надвор од нашиот Сончев систем. Тој беше испратен во орбитата на руска ракета „сојуз“ и 700 километри долгиот пат траел 145 минути.
„Кеопс“ е заеднички проект на 11 членки на Европската вселенска агенција, а тимот го предводи Швајцарија. Лансирањето го набљудуваше и астрофизичарот Дидје Келоз, кој годинава доби Новелова награда за физика.
„Мислам дека ова е одлично. Го почнавме овој проект пред 10 години и сега е во небото“, изјави Келоз.
Од крајот на 1990-ите, откриени се околу 4.500 планети со користење на различни техники. Но, научници веруваат дека сега постојат доволно услови да се оди чекор понатаму од обичното детектирање и броење на планетите и да се прави нивно профилирање (каква им е атмосферата, дали имаат океани на површината, дали имаат месеци и прстени).
Новата мисија треба да проучи 400-500 цели во наредните три и пол години и повеќето од овие светови се со големина меѓу Земја и Нептун.
