Изложбата „Кризата игра“ на Игор Станоески ќе се отвори на 22 јануари во 20 часот во Галеријата на Младинскиот културен центар (МКЦ). Станоески, познат како Иги Ман, е мултимедијален автор, музичар, композитор, текстописец, академски скулптор и продуцент.
По дипломирањето на Факултетот за ликовни уметности во 2013 работи паралелно на уметнички истражувања во насока на спојување на класичните медиуми во мултимедијална целина која опфаќа звук (музика), форма (скулптура), цртеж и боја.
„Изложбата претставува внатрешно патување низ дефектите на сегашноста. Кризата како персонификација на механиката на хаосот, наспроти хармонична светлина. Струја за програмирање на колективот и истовремено алатка за кршење на индивидуализмот. Патот низ кризата е синтетизирано трансформиран во игра за оние кои успеваат да ја преживеат“, велат од МКЦ.
