Вселенската јакна што Баз Олдрин ја носеше на летот на Месечината се продаде на аукција за 2,8 милиони долари. Украсена со американско знаме и логото на НАСА, јакната од мисијата „Аполо 11“ е еден од 69 лични предмети што 92-годишниот Олдрин ги понуди на продажба.

Таа стана највредниот вселенски артефакт што досега се продал на аукција.

Олдрин ја носеше јакната во најголемиот дел од шестдневното патување во вселената во 1969 и ја замени со специјално одело само кога одеше по Месечината. Тој и Нил Армстронг поминале повеќе од 21 час на Месечината, пред да се вратат во модулот, каде што повторно ги облекле јакните.

Јакната е направена од огноотпорен материјал познат како „бета крпа“.