Светски познатиот бренд за брза храна „Мекдоналдс“ искористи песна од каталогот на македонската издавачка куќа и компанија за лиценцирање на музика „Филтер лабел“, за реклама на нивните „маестро“ сендвичи.

Рекламата е наменета за телевизискиот пазар во Полска, а започна да се емитува денеска.

„The Dust settles down“ од рок-групата „The Lovely Intangibles“ е една од петте песни што „Филтер лабел“ ги предложил и била прифатена со образложение дека „совршено одговара на замислата на режисерот поради уметничкиот кул звук на бендот“.

Музика од каталогот на македонската компанија досега се има појавено и во реклами на „Најки“ и на „Филип Морис, како и во повеќе серии и филмови, како „Никита“, „Истрага на местото на злосторството: Лас Вегас“ и во документарецот за „Матрикс“.