Вечерва во 19 часот, во Кинотеката, на Светскиот ден на театарот, премиерно ќе се прикаже филмот „Театарот во Скупи“, во режија на Владимир Блажевски.
„’Театарот во Скупи’ е научно-образовен филм, кој го документира комплетниот процес на обнова на римскиот театар, објект од национално, но, пред сѐ, цивилизациско значење. Паралелно, се обработува и историјата на градот Скупи. Филмот не ги открива само тајните на театарот, тој нѐ воведува во археологијата како наука и во конзерваторството како занает“, велат од Агенцијата за филм.
Продуцент е „Фокус покус филмс“, а копродуцент „Трикс филмс“. Стручни соработници се Антонио Јакимовски и Виктор Лилчиќ. Музиката е на Александар Пејовски.
