Велешкиот автор Љубомир Михајловски ја промовираше неговата книга „Во светот на научната фантастика“, дело од областа на теоријата и историјата на научната фантастика.
„Научната фантастика не е бегство од реалноста. Таа ни дава насока кон она што треба да се стремиме, кон една идеална сцена или нè предупредува што да избегнуваме“, кажа Михајловски.
Во книгата детаљно е обработена фантастиката во повеќе области, како музика, филм, литература и стрип.
Промотор беше Миле Костов, кој кажа дека делото содржи значајни податоци за историјата на научната фантастика во светот и кај нас. Смета дека оваа област е опширна и недоволно истражена.
П. ПЕЧКОВ
