Денеска (31 октомври) од 20 часот, оркестарот на Филхармонијата ќе одржи концерт насловен „Пијанизам хероизам“, на кој како солист ќе настапи рускиот пијанист Петер Лаул (фото), а диригент е маестро Конрад ван Алфен од Холандија. На програмата се Поемата за симфониски оркестар „Древниот ѕид“ од Томислав Зографски, Концертот за пијано и оркестар бр. 2 во Ф-дур од Дмитри Шостакович и Симфонијата бр. 6 во Д-дур од Антонин Дворжак.
Ван Алфен е уметнички директор и шеф-диригент на Симфонискиот оркестар во Ротердам. Во моментот е уметнички директор на Московското филхармониско здружение.
Петер Лаул е еден од најнаградуваните руски пијанисти. Од 2002 предава пијано на Конзерваториумот во Санкт Петербург.
