Германскиот пијанист Лука Шестак на 19 октомври ќе одржи концерт во Филхармонијата во Скопје од 20.30 часот, објави продукцијата „МГ“.
Шестак свири класични композиции во џез аранжмани, како и блуз, фанк и поп музика. Почнал да свири пијано на осум години и паралелно со часовите по класична музика, ги засакал џезот и блузот, со што подоцна стана популарен на Јујтјуб.
На новиот албум „Полесни ноти“ (Lighter Notes) Шестак обработи дела од Шопен во фанки стил и композиции од Бах во аранжмани кои се блиски до џезот.
Шестак првпат ќе настапи во Скопје со неговото трио. Влезниците се продаваат преку мрежата на Мк тикетс.
