САРА СИМОНОВСКА СО КОНЦЕРТ „ТАПАНОТ СЕ СЛУША НАДАЛЕКУ“ НА СКОПСКО ЛЕТО

Скопје, (СМАРТ СДК.МК)

Вечерашниот концерт со удирачки инструменти на Скопско лето, „Тапанот се слуша надалеку“ на Сара Симоновска, наместо во Сули ан, поради нестабилните временски услови и најави за дожд, ќе се одржи во 21 часот во фоајето на Македонската опера и балет.

Ќе бидат изведени дела од Бах, Добри Палиев, Ерик Самут и од Вон Моиси.

„По стапките на својот татко, Сара започнува да свири тапани уште на четиригодишна возраст. Средното музичко образование го почна во ‘Илија Николовски-Луј’, но по само три години, доби целосна стипендија од Интерлохен арт академијата во Мичиген, САД, каде што и матурираше со највисок просек. Истата 2014 година, Сара се запиша на универзитетот Џексонвил во Флорида и повторно доби стипендија. Изминативе години одржува концерти и посетува мастер часови“, велат од фестивалот.