Филмот од 1994 година „Малите жени“ со Винона Рајдер, Кристијан Бејл, Сузан Сарандон и Кирстен Данст наскоро ќе добие римејк како мини-серија.
Проектот според класикот на американската писателка Луиза Меј Алкот ќе го работи режисерката и сценаристка на „Леди Бирд“, Грета Гервиг, а ќе глумат самата Леди Бирд, односно Сурша Ронан, Мерил Стрип, Ема Стоун и Тимоти Шаламеj.
Според „Вараети“, Гервиг била првично ангажирана да го напише сценариото, но по успехот на „Леди Бирд“, кој доби пет номинации за Оскар, во „Сони“ одлучиле таа да биде и режисерка.
„Со многубројните сложени женски ликови во неговата содржина, се чини дека ’Малите жени’ е совршен избор за Гервиг, чиј деби филм ’Леди Бирд’ испитуваше како е да се порасне во мал град во САД, во судир со родителите и да се има неуспешни врски со локални момчиња“, пишува „Вараети“.
