Од земја, оризовите полиња крај јапонскиот град Гјода изгледаат сосема нормално. Дури кога ќе се погледне од високо, се открива огромно уметничко дело со кое се слават Олимписките игри во Токио.
Огромната, жива инсталација содржи легендарни јапонски сцени: бран, репродукција на сликата на планината Фуџи од Хокусаи и Кабуки актер со препознатливо бојосано лице. Сликите се дел од годишната традиција која градот Гјода ја почна во 2008 година, со цел да привлекува туристи. Во 2015, дури влезе во Гинисова книга на рекорди со најголемото уметничко дело направено во оризарница, кое се простираше на 28.000 квадратни метри.
Секоја година, посебен комитет ги избира дизајните, по што стотици волонтери садат видови ориз со различна боја за да се создадат спектакуларни слики, кои можат да се набљудуваат од околната опсерваторија.
„Сакавме да ги прикажеме јапонските уметности на Укијое (сликање на дрвени блокови) и Кабуки (театар) во оризарница, што исто така е важен дел од јапонската култура. Сакавме да ја претставиме Јапонија пред светот“, изјавија од градската управа на Гјода.
