Најдобриот кошаркар на светот Леброн Џејмс изгледаше како манекен кога доаѓаше на првиот натпревар од финалето на НБА-лигата помеѓу Голден Стејт и неговиот Кливленд, што се играше во Оукленд.
Кога се појави во „Оракл арена“, тој носеше облека и други додатоци во вредност од 46.000 долари, но најголем дел од оваа сума отпаѓа на една работа.
Тоа е чантата на „Мистер Том бег“, која е направена од стопроцентна алигаторска кожа. Увезена од Италија, таа чини 41.000 долари.
Леброн е познат како модно освестен спортист, а за оваа прилика избра чудна комбинација на одело од Том Брауни од 2.500 долари и куси панталони. Својот стил го дополни со чевли од 2.000 долари и очила за сонце од 525 долари. За да се изолира од околината му послужија слушалки од речиси 200 долари.
