На 30 декември, во Градскиот парк во Дојран од 17 часот ќе се одржи празничниот детски настан „Новогодишна бајка“. Како музичка гостинка ќе настапи Тамара Грујеска, годинашната македонска претставничка на Детската евровизија.
Настапуваат и балетското студио „Мистик денс“ и децата од ОУ „Кочо Рацин” од Дојран и од градинката „Кокиче”, кои ќе подготват и новогодишен базар. Секое дете на настанот ќе добие подарок од Дедо Мраз, а ќе има и бесплатни пијалаци за публиката. На настанот ќе се избира и најубаво украсената куќа во Дојран.
