ШВАЈЦАРСКАТА ДРАМА „ХРОНОФОБИЈА“ ВЕЧЕРВА ПРЕМИЕРНО ВО КИНОТЕКАТА

Скопје, (СМАРТ СДК.МК)

Швајцарската драма „Хронофобија“, во режија на Франческо Рици, вечерва од 21 часот ќе биде премиерно прикажана во Кинотеката. Во главните улоги се познатата швајцарска актерка Сабине Тимотео и италијанскиот актер Виничио Маркиони. Станува збор за хроника на невозможна љубовна приказна.

Филмот освојуваше награди на фестивалите во Богота, Дурбан, Талин, Лече и „Макс Офилс“ во Сарбрикен.

„Хронофобија“ требаше да има премиера на 7 август, но поради пандемијата на ковид-19 беше одложена за почеток на октомври. Филмот ќе се прикажува и во кината низ земјава со поддршка на „Свис филмс“. Дистрибутер е „КТ филм и медија“.