Еден од најкомплетните зачувани фосили на тираносаурус се продаде на аукција во Њујорк за 31,8 милиони долари.
Почетната цена на аукцијата во „Кристис“ изнесуваше меѓу шест и осум милиони долари и за само неколку минути беше урнат досегашниот рекорд од 8,4 милиони долари, колку што биле платени во 1997 година за фосил на диносаурус.
Само 50-ина фосили на тираносаурус се пронајдени во светот од првото откритие во 1902 година.
Фосилот наречен Стен е висок четири и долг 12 метри. Се проценува дека тој тежел осум тони кога бил жив пред 67 милиони години. Фосилот е откриен во Јужна Дакота во 1987 година и на палеонтолозите им биле потребни повеќе од 30.000 часови за да ги ископаат 188 коски од скелетот.
