Од 17 јуни (понеделник), во Кинотеката ќе се прикажат три филма во кои доминира актерската легенда Марлон Брандо. Ревијата е по повод стогодишнината од неговото раѓање.
На 17 јуни од 20 часот ќе се прикаже „Да живее Запата!“ (1952), следниот ден е „Квемада – островот во пламен“ (1969), а на 22 јуни е проекцијата на „Апалуса/Југозападно од Сонора“ (1966).
„Американски ловец, британски платеник и мексикански револуционер, во каква и да е улога, актерската легенда Марлон Брандо доминира на екранот. Неговото специфично, артистичко умеење секогаш ја фасцинира филмската публика. Овие три наслови ги прикажуваме по повод 100-годишнината од раѓањето на великиот Брандо, и тоа на 35-милиметарска лента, оригинален формат, како во времето кога биле премиерно прикажувани“, велат од Кинотеката.
