НБА-суперѕвездата Кевин Дурант е меѓу четворицата играчи на Бруклин нетс кои имале позитивен тест на коронавирус.
„Бидете внимателни сите. Водете грижа за себеси и почитувајте ги мерките на карантин. Ќе го надминеме ова“, објави Дурант на Твитер.
Од клубот кажаа дека само еден од заразените играчи имал некакви симптоми. Претходно, и двајца кошаркари на Јута џез и еден на Детроит пистонс имаа позитивен тест.
И Јувентус го потврди вториот случај на коронавирус во своите редови, додавајќи дека станува збор за францускиот репрезенативец и светски првак Блез Матуиди.
„Матуиди е добро, нема симптоми“, соопшти Јувентус.
По Валенсија, Еспањол е вториот шпански прволигаш во кој има заразени со коронавирус, вкупно шест лица.
