Денеска (30 април) од 20 часот, во Турскиот театар во Скопје премиерно ќе се изведе претставата „Лавина“, во режија на Наташа Поплавска. Турскиот театар ги користи просториите и сцената на Театар Комедија.
Текстот е на Тунџер Џуџенолу, а преводот на Џанан Али. Играат Зиба Радончиќ, Селпин Керим, Дин Ибрахим, Сузан Акбелге, Бурханетин Ибрахим, Џенап Самет, Слаѓана Вујошевиќ, Јеткин Сезаир, Инес Радончиќ, Емине Халил, Аксел Мемед и Наџије Кеч.
„Дали лавината е само појава во природата или можеби ние во нашите глави сами го создадовме овој страв?“, вели режисерката, која ги потпишува и сценографијата и костимографијата.
Изборот на музика го направи Ристо Вртев, а кореографијата е на Ирена Лозинска.
