Голем број актери, актерки, театарџии од сите генерации, музичари и политичари синоќа го наполнија салонот на Македонскиот народен театар (МНТ) за премиерата на претставата „Дух“, работена по текстот на Дејан Дуковски, во режија на Срѓан Јаниќијевиќ.
Гораст Цветковски го игра главниот лик Александар Мара, кому му е нанесена неправда и почнува борба за своите права, борба сам против сите.
Играат и Емил Рубен, Тања Кочовска, Тина Трпкоска, Нина Деан, Матеа Јанковска, Ивица Димитријевиќ, Оливер Митковски, Сашко Коцев, Јордан Симонов и Тони Михајловски.
Уметникот Велимир Жерновски е автор на сценографијата, а дизајнерката и професорка Лидија Георгиева на костимите.
Музиката е на Надежда Рубин, Ивица Димитријевиќ и на Јаниќијевиќ.
